“Kostandini nuk ishte fëmija i keq”, prindërit e Kacifas letër kryeministrit grek: Të zbardhet vrasja

Google+ Pinterest LinkedIn Tumblr +

Pas incidenteve gjatë përkujtimores së Kacifas dhe nderimit të ushtarëve grekë, prindërit e Kostandinos Kacifas nuk kanë ndërmend të ndalen.

Ata i kanë dërguar një kërkesë kryeministrit grek, Kyriakos Mitsotakis, që të ushtrojë presion te pala shqiptare, për të zbardhur të vërtetën e vdekjes së djalit të tyre.

Letrën ia kanë dorëzuar deputetit të “Nea Demokratia”, Vasilis, Yogiakas, i cili ishte i pranishëm në ceremoninë e 1 vjetorit të vdekjes së Kacifas.

Prindërit e tij akuzojnë kryeministrin Edi Rama, që e quajti Kacifan terrorist.

Sipas tyre kjo u bë për të justifikuar vrasjen e tij.

Më tej ata kanë hedhur akuza të forta ndaj shtetit shqiptar, i cili sipas tyre nuk respekton minoritetin grek, por e terrorizon dhe e shpall të padëshiruar.

Kjo nuk është hera e parë që Jani dhe Vasilia Kacifa i drejtohen kreut të shtetit grek.

Më parë ata i kanë bërë thirrje edhe ish-kryeministrit grek, Aleksis Tsipras, i cili nuk i ktheu përgjigje.

 LETRA

Kryeministër,
Një vit më parë djali ynë Kostandin Katsifas siguroi që fshati ynë të vishej me blu dhe të bardhë për të nderuar kujtimin e vjeshtës së vitit 1940.
Sot, një vit pas, Kostandini ynë, nuk është më këtu, siç e dini u ekzekutua nga forcat speciale të policisë shqiptare në fshatin tonë Bularat, më 28 tetor 2018.
Por këtu është shpirti i tij që kërkon justifikim me “pse?”.

Pse u ekzekutua i rrethuar në mal nga qindra burra të Policisë Shqiptare, ndërsa ai mund të ishte arrestuar?
Pse na torturuan për dhjetë ditë dhe e tërhoqën kufomën e fëmijës sonë pa na lënë ta shohim?
Pse ata ndryshuan gjithçka duke ndërhyrë në trupin e djalit tonë dhe duke na penguar ne si prindër të bënim ekspertizën tonë?
Pse nuk i respektojnë të drejtat tona fetare dhe ndaluan punimet për përkujtimoren e fëmijës sonë?
Pse janë terrorizuar prej një viti anëtarët e Minoritetit Kombëtar Grek që po na mbështesin në dhimbjen tonë? Ata merren në pyetje, terrorizohen dhe shpallen të padëshiruar.
Për një vit tani autoritetet shqiptare nuk kanë lëshuar një raport mbi rrethanat e vrasjes së Kostandinit tonë.
Z. Kryeministër,
Ne e kuptojmë barrën e përgjegjësisë që ju keni, por shpresojmë dhe kërkojmë nga ju që të ndikoni për lëshimin e menjëhershëm të përfundimit të vrasjes së djalit tonë, në mënyrë që ne si prindër të mund të ndërmarrim hapat e nevojshëm për të mbajtur të gjallë kujtimin e tij.
Kostandini nuk ishte fëmija i keq që autoritetet shqiptare donin të promovonin. Kostandini ishte një njeri me zemër të mirë dhe me zemër të këndshme që e donte shumë Greqinë. Dora e tij nuk ishte e armatosur për të marrë jetë, ai nuk mundi, pasi besimi i tij i thellë në Zot dhe vlerat e krishtera nuk e lejuan. Reagimi i tij ishte rezultat i indinjatës në të gjitha ato që po përjetonte. Pakënaqësia për atë që ka qenë dhe vazhdon të kalohet nga njerëzit e Epirit të Veriut që nuk guxojnë të reagojnë sepse frika e mposhti atë. Djali ynë guxoi dhe ne jemi krenarë për të.
Me vrasjen me gjakftohtësi të Kostandinit, Shqipëria ka treguar edhe një herë se nuk respekton Pakicën Kombëtare Greke dhe të drejtat e saj.
Z. Kryeministër,
Ne ju kërkojmë të ktheni sytë nga vendi ynë përpara se të jetë vonë. Me respekt Jani dhe Vasilia Katsifa.

Shpërndaje
Share.

Komento