Një 47-vjeçar me iniciale A.B., është arrestuar në Durrës nga policia, pasi nuk iu bind urdhërit për të ndaluar.
Pas 5 km ndjekje, policia arriti që ta bllokonte mjetin tip “Audi”, në afërsi të mbikalimit të Shkozetit.
Në automjetin e tij, u gjet dhe u sekuestrua një pistoletë “TT” dhe 7 fishekë.
Materialet i kaluan Prokurorisë së Durrësit për veprime të mëtejshme.
Njoftimi i policisë
Durrës
Qarkullonte me armë zjarri me vete, nuk iu bind urdhrit të Policisë për të ndaluar dhe u largua me shpejtësi, por pas ndjekjes rreth 5 kilometra, kapet e vihet në pranga 47-vjeçari.
Në automjetin e 47-vjecarit Policia gjeti dhe sekuestroi një armë zjarri pistoletë dhe municion luftarak.
Strukturat e Drejtorisë Vendore të Policisë Durrës, krahas angazhimit maksimal për monitorimin e zbatimit të masave kufizuese, me qëllim parandalimin e përhapjes së COVID-19, vijojnë punën për përmbushej e detyrave funksionale, për parandalimin dhe goditjen e paligjshmërisë.
Në këtë kuadër, shërbimet e Policisë, si rezultat i kontrolleve të shtuara për evidentimin dhe kapjen e personave që qarkullojnë me armë zjarri, duke përfituar edhe nga situata, bazuar edhe në informacionet e marra në rrugë operative se një shtetas qarkullonte me armë zjarri, kanë organizuar punën për bllokimin e mjetit dhe të personit që dyshohej se qarkullonte me armë.
Shërbimet e Policisë kanë konstatuar mjetin e dyshuar në lëvizje të sheshi “Pranvera”, në Durrës dhe i kanë bërë shenjë për ndalim. Drejtuesi i mjetit ka kundërshtuar urdhrin e dhënë dhe është larguar me shpejtësi, por pas 5 km ndjekje nga ana e Policisë është bërë e mundur që në autostradën Durrës-Tiranë, në afërsi të mbikalimit të Shkozetit, të bllokohej mjeti tip Audi që drejtohej nga shtetasi A. B., 47 vjeç, banues në Golem, Kavajë.
Pas kontrollit të ushtruar u konstatua se në sediljen e pasme ndodhej një çantë krahu brenda së cilës ndodhej një pistoletë tip “TT” dhe një krehër me 7 fishekë, të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Durrës, për veprat penale “Mosbindja ndaj urdhrit të punonjësit të policisë” dhe “Armëmbajtja pa leje”, për të cilën parashikohet dënimi me burgim deri në 7 vjet.
