Dy kushërinj shqiptarë që konsiderohen si kokat e njërës prej bandave kriminale më të madhe në Dublin, janë arrestuar.
Sipas mediave irlandeze, atyre u janë sekuestruar ora, makina të shtrenjta dhe kokainë.
Emrat e tyre nuk bëhen publikë, por mësohet se janë të përfshirë në trafikun e drogës dhe qenieve njerëzore.
“The Irish Sun” shkruan, se paratë që përfitonin nga aktiviteti kriminal, shqiptarët i përdornin për ngritjen e bizneseve të makinave dhe restorante.
Grupi hetimor kishte vënë re shumat e mëdha që xhiroheshin nga akiviteti kriminal.
Gjatë aksionit, policia bastisi disa objekte, duke përfshirë këtu lokale, banese dhe biznese të tjera, ku u sekuestruan shuma të mëdha parash.
