Më në fund “lind dielli” në Itali: Ulet numri i viktimave nga koronavirusi

Google+ Pinterest LinkedIn Tumblr +

Pas shumë kohësh e nënshtruar nga koronavirusi, më në fund janë dhënë shenjat e para pozitive rreth situatës në Itali.

Fatmirësisht ka vijuar rënia e numrit të viktimave, pasi gjatë 24 orëve të fundit janë regjistruar 542 vdekje, nga 604 të shënuara një ditë më parë.

Ndonëse diferenca është e vogël, ky rezultat ka ngjallur shpresa përtej Adriatikut.

Po ashtu, kjo e mërkurë ka shënuar një rekord të numrit të pacientëve të shëruar, pasi 2, 099 pacientë janë shëruar gjatë 24 orëve të fundit, ndërsa vihet re rritje e numrit të të infektuarve në 3,836 ndërsa një ditë më parë ishte 3, 039.

Kështu, deri tani numri i përgjithshëm i viktimave ka shkuar në 17,669 persona dhe në 139,442 numri i personave të infektuar.

Nga ana tjetër, numri total i pacientëve të shëruar ka arritur sot më 26,491, teksa në repartet e terapisë intesive po kurohen aktualisht 3,693 e numri është ulur me 99 pacientë më pak se një ditë më parë.

Shpërndaje
Share.

Komento