Para pak ditësh u njoftua se ylli portugez Cristiano Ronaldo ishte infektuar me Covid-19 gjatë kohës që ishte grumbulluar me Kombëtaren e tij për ndeshjet e Ligës së Kombeve.
Ai u kthye menjëherë në shtëpinë e tij në Torino ku është izoluar dhe po pret me pa durim momentin që do të shërohet dhe t’i kthehet ekipit të tij, Juventusit.
Por edhe pse në karantinë Ronaldo nuk ka nguruar të ndajë me ndjekësit e tij në Instagram disa momente nga stërvitja e tij individuale, duke treguar se është në super formë dhe gati për t’u rikthyer në fushë.
Ajo që na ka çuditur është se ylli juventin ka ndërruar modelin e flokëve duke i qethur ato thuajse zero, një ndryshim goxha i madh për të pas modelit me kaçurrela që pati gjatë periudhës së karantinës në muajt mars, prill, maj.
