Ish-agjenti i lartë i FBI-së, Charles McGonigal, ka pranuar akuzat në dy çështje të ndryshme
Ish-zyrtari i lartë i FBI-së, Charles McGonigal u deklarua fator disa muaj më parë në lidhje me akuzat për Shqipërinë, ku implikohet kryeministri Edi Rama, apo edhe Lulzim Basha.
Ish-shefi i kundërzbulimit në FBI ka pranuar që paratë i mori për të lobuar kundër opozitës apo për të hapur hetime për burimin e parave të krimit për pagesa që kishte bërë në SHBA Lulzim Basha, në një total prej rreth 1.025.000 dollarë.
Teksa foli për këtë çështje në emisionin e Robert Papës në CNA, gazetari i “Mother Jones”, Dan Fridman bëri një paralajmërim. Ai tha se mund të dalin gjëra të reja nga dosja e McGonigal për Shqipërinë.
“McGonigal është deklaruar fajtor në dy çështje të ndryshme, New York dhe Uashington. Të dyja të lidhura me veprimet e tij në Shqipëri. Lidhje edhe me dhunimin të sanksioneve lidhur me Derypaskën, ai do dënohet me burg për një afat të caktuar. Departamenti i Drejtësisë do krijojë një raport se sa vjet do kalojë ai në burg. Në këtë raport mund të përfshijnë informacion të ri. Pra, të ngrenë çështjen që ai bëri diçka më keq sa dimë ne. Tani kanë të drejtën dhe mundësinë të nxjerrin gjëra të tjera. Nuk e dija se do dilte në nëntor ky raport dhe është interesante të kemi dokumenta shtesë për të parë. Mund të dalin gjëra të reja”, u shpreh ai.
Dan Fridman tha Prokuroria e Posaçme mund të krijojë dosjen e hetimeve të DASH dhe të hapë hetime në Shqipëri për lidhjet e McGonigal në Shqipëri.
“Besoj se prokuroria shqiptare që heton korrupsionin, mund t’i kërkojë Departmenit të Drejtësisë (DOJ) të marrë dosjen e hetimeve. Zakonisht është një rutinë shkëmbim informacinesh mes prokurorive dhe organizatave të zbatimit të ligjit në vende të ndryshme. Ata mund të shkëmbejne informacione. Natyrisht, McGonigal ka shkundur fort shumë dollarë nga njerëz të ndryshëm në Shqipëri. Pra, është një krim atje dhe një krim këtu.
Nuk dua të spekuloj. Besoj se mund të shkojnë direkt te DOJ. Duam të ndani me ne informacine që zbuluat duke punuar edhe me ne. Nuk mund të tregojnë se si e morën informacionin mes zbulimit të inteligjencës, por direkt nga DOJ, po. Sa i takon asaj që kanë gjykatat, shumica është bërë publike dhe ata mund të shikojnë ato fakte, natyrisht”, theksoi gazetari i “Mother Jones”./ CNA
