Policia italiane ka shkatërruar një organizatë kriminale, duke arrestuar 7 shqiptarë dhe një italian.
Grupi akuzohet për trafik sasish të mëdha heroine dhe kokaine nga vendet e ulëta, si dhe për posedim armësh.
Katër prej anëtarëve të grupit ishin të ndaluar aktualisht, shkruan “Il giorno”.
Hetimet u kryen nga agjentët e Milanos, në bashkëpunim me Prokurorinë e Comos.
Të arrestuarit e zhvillonin aktivitetin në zonat e Comos, Monzas, Brianzas, Milanos dhe Vareses.
Hetuesit vunë në përgjim anëtarët e grupit kriminal, ndërsa mbikëqyrën lëvizjet e tyre dhe komunikimet telefonike.
Hetimi është një vazhdimësi e operacionit të shtatorit të 2018-ës, ku u arrestuan 23 persona për shfrytëzimin e 25 vajzave për prostitucion.
