Kompania “Bankers Petroleum” ka reaguar pas protestës së punëtorëve të rafinerisë së Ballshit.
Këta të fundit u ngritën pas mbylljes së rafinerisë nga”Tosk Energji”. “Bankers” ka deklaruar se punëtorët janë duke u përdorur nga “Tosk Energji” dhe nuk është e vërtetë se nuk janë furnizuarme naftë të papërpunuar.
Në reagimin e saj kompania kanadeze shton se “Tosk Energji”, nuk ka përmbushur termat dhe kushtet e Kontratës së Shitjes së Baftës Bruto për 2019-ën.
Më tej “Bankers” vijon duke thënë se “Tosk Energji” i kishte konfirmuar zyrtarisht se do të hapte një letër krediti për volumet e shtatorit, por nuk e ka bërë një gjë të tillë.
“Bankers” sqaron se “Tosk Energji” nuk pagoi për sasitë e rëna dakord dhe ndërpreu komunikimin.
Deklarata e plotë e ‘’Bankers Petroleum Albania’’:
‘’Bankers Petroleum Albania’’ është informuar nga media se punonjësit e kompanisë “Tosk Energji” që punojnë në rafinerinë Ballsh kanë protestuar dje pasi kjo rafineri është mbyllur. Përfaqësuesit e kompanisë kanë deklaruar për mediat se rafineria është mbyllur si rezultat i mos-furnizimit me naftë të papërpunuar nga Bankers Petroleum Albania.
Me keqardhje, vërejmë se punonjësit janë duke u përdorur nga “Tosk Energji” që në fakt nuk ka arritur të përmbushë termat dhe kushtet e Kontratës së Shitjes së Naftës Bruto për 2019.
Në fakt, Bankers dhe “Tosk Energji” kanë rënë dakord për Programin e Dorëzimit të naftës bruto në bazë ditore për Shtator 2019 dhe vëllimet e dorëzimit për Tetor-Dhjetor 2019, që në 27 Gusht. Në këtë ditë, “Tosk Energji” ekzekutoi Amendimin 4 të kontratës për ngarkesat e e naftës bruto gjatë Shtator-Dhjetor 2019.
Gjatë ditëve të fundit të gushtit, Bankers kërkoi nga ‘’Tosk Energji’’ që të siguronte letër kreditin, por Tosk Energji konfirmoi zyrtarisht që për volumet gjatë muajit Shtatorit , derisa ata të hapin një letër krediti (siç kanë bërë në të kaluarën), Tosk do të tërheqë të gjitha ngarkesat e planifikuara duke bërë parapagime dhe pa shkaktuar ndonjë ndikim në operacionet dhe financat e Bankers.
Gjatë fundit të muajit gushtit dhe fillimit të shtatorit, Bankers i është drejtuar kompanisë Tosk me disa e-mail zyrtarë duke kërkuar prej tyre hapjen e letër kreditit ose kryerjen e parapagimit për volumet e planifikuara për muajin Shtator.
Por gjatë gjithë muajit Shtator, Tosk bëri vetëm një parapagim në vlerë prej 500 mijë USD dhe Bankers dorëzoi në Tosk (pikërisht në 1 Shtator) rreth 1.420 Mt bruto që mbulohej nga ky parapagim.
Për periudhën 1-10 Shtator, Bankers iu drejtua sërish disa herë Tosk Energji, por ajo nuk pagoi, pavarësisht se Bankers ishte në dispozicion dhe i ofroi të shesë sasitë e rënë dakord.
Tosk Energji jo vetëm që nuk pagoi, nuk tërhoqi sasitë dhe nuk iu përgjigj Bankers, por shkoi edhe më tej, duke ndërprerë komunikimin me ne.
