Ditën e sotme është mbyllur procesi i testimit të aftësive fizike për kandidatët për hetues të Byrosë Kombëtare të Hetimit. Nga 325 kandidatë që morën pjesë në këtë testim , janë kualifikuar 210 prej tyre, ndërsa 115 nuk arritën të kalonin në fazën tjetër. Ata pritet që t’i nënshtrohen testit të esesë më shkrim në datën 15 të këtij muaji, që do të zhvillohët në Pallatin e Kongreseve.
Ndërkohë, testimi që përfundoi sor u monitorua nga Komisioni Ndërkombëtar i Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri
Njoftimi i plotë i BKH:
Komisioni i Përzgjedhjes në datë 10.06.2021, mbylli procesin e Testimit për Aftësitë Fizike, për kandidatët “Hetues” në Byronë Kombëtare të Hetimit. Nga 325 kandidatë pjesëmarrës, u kualifikuan 210 kandidatë dhe 115 kandidatë nuk kaluan në fazën tjetër.
Kandidatët e kualifikuar, në datën 15.06.2021, do t`i nënshtrohen Testit të Esesë me shkrim.
Testi i Esesë me shkrim do të zhvillohet në Pallatin e Kongreseve. Testimi i Aftësive Fizike u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
Falenderojmë gjithë aplikantët që shprehën vullnetin për të marrë pjesë në këtë konkurrim.
