Dhuna në futbollin shqiptar nuk ka të ndalur, pasi rastet e dhunës në fushën e blertë sa vijnë e shtohen çdo ditë e më shumë pa gjetur asnjë zgjidhje nga istancat më të larta. Një skenë e shëmtuar dhune është regjistruar në minutën e 63-të në ndeshjen Bylis-Laçi e vlefshme për javën e 19-të të Kategorisë Superiorë.
Një moment i paprecedentë ka ndodhur pasi lojtarët janë përleshur me grushta dhe shkelma, duke na kthyer shumë vite pas. Por një moment i tillë duket se do të ndikojë dhe do të shoqërohet me pasoja të rënda dhe dënime shembullore nga Komisioni i Disiplinës.
Nuabueze bëri boksierin gjatë përlasjes dhe Kuli mbeti i gjakosur. Pas kësaj Carkanji dhe Nuabueze u ndëshkuan me karton të kuq. Ndërkohë që të dyja skuadrat mbetën me 10 lojtarë në fushë. Sulmuesi i Laçit u tradhtua nga nervat dhe ka ngatërruar sportin duke bërë boskierin.
Sakaq sfida Bylis-Laçi përfundoi me rezultatin 0-1 në favor të kurbinasve, falë një goli të shënuar nga Renato Malota. Java e 19-të e Superiores u mbyll ditën e sotme por jo me shumë ndryshime nga java e kaluar, pasi Vllaznia vazhdon të kryesojë me 40 pikë, 6 më shumë se Partizani i vendit të dytë.
Ndjekin me nga 1 pikë më pak Laçi dhe Teuta, ndërkohë që Kukësi ka kaluar Tiranën, duke i zbritur bardheblutë në vendin e 6-të. Asnjë ndryshime edhe në vendet e fundit të tabelës, me Skënderbeut dhe Bylisin që mbeten në kuotën e 12 pikëve, ndërsa Apolonia renditet e teta me 13 pikë.
