Mbrojtësi i Kombëtares “bie” në radarët e Milanit, pritet akordi me Atalantën

Google+ Pinterest LinkedIn Tumblr +

Mbrojtësi i Kombëtares së Shqipërisë, Berat Gjimshiti shumë shpejt mund të veshë fanellën e Milanit. Gjimshiti ka bërë një super paraqitje në  dy sezonet e fundit me Atalantën dhe për momentin cilësohet si një nga mbrojtësit më të fortë në Europë. Sipas mediave italiane, paraqitja e tij e shkëlqyer ka bërë që ai të bjerë dhe në radarët e Milanit dhe oferta e tyre mund të joshë Gjimshitin që ka një kontratë deri në vitin 2023 me klubin e tij.

Për momentin ai vlen 15 milionë euro, një shifër që Milani nuk e ka problem, por duhet gjetur akordi me drejtuesit e Atalantës. Duhet thënë se mes palëve pas çështjeve Kaldara, Konti apo Kesi, ekziston një raport pozitiv, ndaj drejtuesit e “Djallit” kanë më shumë se një arsye për të tentuar afrimin e mbrojtësit të kombëtares së Shqipërisë. Lajmin e kanë bërë të ditur mediat italiane të cilat flasin për një këmbëngulje të drejtorit Maldini për shërbimet e mbrojtësit kuqezi.

Ndërkohë kujtojmë se Milan tani ndodhet në super formë dhe po bën një paraqitje shumë të kënaqshme në ndeshjet e momentit. Blerjet e Milanit tani janë shumë të vlefshme dhe me rëndësi për të mbajtur vendin e parë në Seria A dhe për t’u shkëputur sa mê shumë nga vendi i dytë dhe për të patur të sigurt fitoren e Kampionatit të Italisë

Shpërndaje
Share.

Komento