Konferenca e Kryetarëve ditën e djeshme ka miratuar propozimin e kreut të Grupit Parlamentar Socialist, Taulant Balla, për t’i mbajtur fizikisht mbledhjet e komisioneve të përhershme parlamentare. Anëtarët e komisioneve duhet paraqesin certifikatën e vaksinimit ose test negativ PCR të kryer jo më parë se 48 orë nga dita e mbledhjes. Ndërsa për mënyrën se si do të funskiononte rregullorja për mediat u vendos që të lejoheshin vetëm 5 minutat e para të mbledhjes ku kameramani kishte të drejtë të filmonte pamjet dhe gazetari që duhej të qëndrontë sallë nuk duhet lë luante dhe të ishte i vaksinuar.
Ndërsa ditën e sotme është mbledhur Komisioni i Medias dhe ashtu sikurse edhe dje, deputetët kanë qenë të pranishëm në ambientet fizike. Opozita, nëpërmjet deputetit Luçiano Boçi ka kërkuar rikthimin e kamerave në Komisione.
Ai ka thënë se me rregullorja parashikon që kamerat të filmojnë 5 minuta në fillim të seancës dhe gazetarët duhet të jenë të pranishëm, me kushtin që të jenë vaksinuar.
Nga krahu tjetër, deputeti socialist Petro Koçi ka nënvizuar se kjo mënyrë e të bërit seancë, është kushtëzuar nga mungesa e hapësirave. Sakaq, Ina Zhupa, ka kërkuar që ministrja e Arsimit Evis Kushi të jetë e pranishme në komision dhe të shpjegojë çdo të ndodhë me mësimin në universitete, që është parashikuar të nisë të hënën e 11 tetorit.
Një pjesë e shkëputur nga debati:
Ina Zhupa: Ministrja Kushi nuk ka marrë asnjë vendim për mësimin në universitet. Të përgjigjet për oraret mësimore.
Luçiano Boçi: Ne njoftohemi se ka mikrofona ambientalë dhe do përgjohemi. Kjo nuk është normale, mos të bëj një bisedë, se kjo bisedë na dilka. Po na duhet vetja sikur jemi në përgjime. Ne pranojmë të përgjohemi ndërkohë që gazetarët nuk i lejojnë të futen por ne përgjohemi. Duhet ta nisim nga vetja jonë, nëse e nisim kujdes se na përgjojmë, atëherë ne nuk jemi të lirë. Mos prania e mediave ndikon në transparencë. Të jemi seriozë në punën tonë.
Petro Koçi: Për mua nuk është problem që të vijnë 100 gazetarë. Prandaj është lënë që të vijnë dhe të marrin pamje që ti përdorin në televizionet ku punojnë e më pas kanë komunikimin online. Lidhur me mikrofonat ambiental, janë të dukshëm, pastaj njerëzit të jenë të kujdesshëm në fjalor. Nuk besoj se ka lidhje me përgjimin.
Gjekmarkaj: Nuk kam asnjë shqetësim për mikrofonat.
