Kreu i shtetit Edi Rama ka reaguar përmes një postimi në llogarinë e tij në Twitter pas mbledhjes së qeverisë në Elbasan.
Ai ka shkruar se në fokus të diskutimeve ka qenë rritja e punësimit dhe sipërmarrjes vendase për vitin 2019.
Gjithashtu Rama tha se në fokus për këtë vit është edhe përmirësimi i infrastrukturës së shërbimeve publike dhe rekrutimi në administratë i të rinjve që përfundojnë me mesatare 9-10.
“Ditë diskutimi për sfidat e 2019 sektor për sektor. Në fokus rritja e punësimit dhe sipërmarrjes vendase;përmirësimi i mëtejshëm i infrastrukturës së shërbimeve publike;masat e reja Antikorrupsion dhe rekrutimi në administratë i të rinjve me 9-10#PS #Reforma #Skuadër #Lidership”- shkruan Rama.
Kujtojmë se mbledhja informale ka filluar në orën 09:00 ku të pranishëm janë ministrat e emëruar së fundmi dhe ata që janë shkarkuar nga Rama.
Gjithashtu mësohet se në mbledhje do të jenë edhe kreu i Kuvendit Gramoz Ruçi dhe kryetari i grupit parlamentar socialist, Taulant Balla.
