Mbi 1 milion euro grabitje gjatë dimrit, shkatërrohet banda e shqiptarëve

Google+ Pinterest LinkedIn Tumblr +

Policia italiane ka çmontuar një bandë grabitësish shqiptarë.

Në pranga kanë rënë 6 persona, ndërsa 9 të tjerë po hetohen në gjendje të lirë.

Shqiptarët janë përgjegjës për një sërë grabitjesh në qytetet qëndrore dhe veriore të Italisë.

Baza e grupit ndodhej në Tor Bella Monaca.

Grabitësit vepronin gjatë orëve të vona të natës.

Përveç sendeve me vlerë, ata grabisnin edhe makinat, të cilat i përdorinin më pas për vjedhje të tjera.

Hetimi nisi rreth një vit më parë, pasi dy prej anëtarëve të grupit, u kapën në flagrancë teksa po ndërronin makinën, pasi kishin bërë një grabitje në Trevignano dhe Bracciano.

Gjatë stinës së dimrit, grupi i shqiptarëve kishte arritur të përfitonte mbi 1 milion euro nga grabitjet.

Në disa raste, atë kanë thyer edhe postoblloqet e ngritura nga policia.

Gjatë operacionit të policisë, u sekuestruan dhjetëra “Audi” luksozë, një koleksion gjigand me ora të markave “Rolex”, “Cartier” dhe “Gucci”, si dhe bizhuteri të shumta.

Shpërndaje
Share.

Komento