Një person u arrestua sot në Paris pasi kërcënoi se do të hidhte veten në erë në konsullatën iraniane në lagjen e 16-të të kryeqytetit francez, afër Kullës Eifel. Rreth orës 11 të mëngjesit të së premtes, burri u vërejt nga një dëshmitar teksa hynte në selinë konsullore. Ai heq pallton brenda ndërtesës dhe zbuloi një jelek me bomba të bërë vetë, me qëllim hakmarrje për vdekjen e vëllait të tij, sipas Reuters, por pa dhënë detaje të mëtejshme rreth rastit.
Prefektura e Parisit bëri të ditur se konsullata iraniane kërkoi ndërhyrje dhe menjëherë u dërguan forcat speciale në vendngjarje. Si masë paraprake dhe me urdhër të policisë, linja gjashtë e metrosë u ndërpre dhe zona u rrethua, ndërsa hetimet për ngjarjen vazhdojnë.
