Open Balkan ka organizuar panairin e dytë të verës, ku të pranishëm ishin përfaqësues të Maqedonisë së Veriut, të Serbisë dhe të Malit të zi.
Presidenti i Republikës së Serbisë, Aleksandar Vuçiç, duket se tashmë e ka zëvendësuar kryeministrin Rama me një partner të ri për ta çuar para nisën e Open Balkan.
Në panairin e dytë te verës mori pjese presidenti i Malit të Zi, Jakov Milatoviç dhe kryeministri i Maqedonisë së Veriut, Dimitar Kovaçevski.
Presidenti Vuçiç, në fjalën e tij tha se në panair janë të pranishëm rreth 40 ekspozues nga Mali i Zi, që është një numër i madh për një vend të përmasave të tilla.
“Jam krenar për verërat serbe, të cilat po përparojnë më shpejt. Verërat malazeze po përparojnë mirë gjithashtu”, tha presidenti Vuçiç, duke shtuar se kur vjen puna ndaj verërave, nuk mund të mashtrosh askënd”, tha Vuçiç.
Ndërsa Milatoviç ka thënë se ka ardhur me ftesë të presidentit të Serbisë dhe se është i rëndësishëm bashkëpunimi mes vendeve të ballkanit.
“Kam ardhur me ftesë të Presidentit të Serbisë. Vera na bashkon pa marrë parasysh disa dallime të vogla. Unë e përgëzoj Vuçiqin për një ide të madhe dhe një organizim të mirë dhe nëse ndonjë integrim rajonal do të quhet Oper ballkan apo Procesi i Berlinit është më pak i rëndësishëm, e rëndësishme është bashkëpunimi dhe ky është mesazhi më i rëndësishëm”, theksoi Milatoviç.
Kryeministri i Shqipërisë Edi Rama, një nga bashkekrijuesit e “Open Balkan” e konsideroi të mbyllur këtë iniciativë me rikthimin e Procesit të Berlinit pak kohë më parë. Edhe pse mungoi fizikisht Rama e pati një video-mesazh në nisje të panairit.
