41-vjeçari Klodian Ciruna u arrestua një vit më parë me akuzën e mashtrimit. Ai shirej si prokuror, gjyqtar, madje disa herë ishte shtirur sikur ishte djali i kryeministrit Edi Rama, por edhe si vetë kryeministri. Ai akuzohet nga prokuroria e Tiranës për “mashtrim më shumë se 1 herë”.
Ciruna rrezikon një dënim prej 10 vitesh burg pasi me anë të këtyre marifeteve ka arritur të gënjejë 3 biznesmenë në Tiranë duke ju marrë qindra mijëra euro.
Skema e mashtrimit e 41 vjeçarit kishte të bënte kryesisht me lejet e ndërtimit duke premtuar leje në këmbim të shumave të majme, disa qindra mijëra euro.
Ai shfrytëzonte një kompani “call center” që kishte hapur, ku u çonte mesazhe telefonike si të ishin dërguar nga drejtues të lartë të bashkisë. Personave të cilëve u kishte marrë edhe shuma të konsiderueshme eurosh, u kishte remtuar edhe leje ndërtimi.
Në këto mesazhe të falsifikuara, viktimat e Cirunës siguroheshin se strukturat e bashkisë ishin duke përgatitur lejet e ndërtimit.
Duke parë se ky lloj mashtrimi po mbante të qetë klientët e Cirunës, ky i fundit mendoi të bëhej edhe më i besueshëm, kur i dërgon një ndërtuesi një mesazh, sikur e kishte shkruar djali i kryeministrit dhe ku ndërtuesit i premtohej se do t’i jepej rikonstruskioni i piramidës dhe disa rrugëve në kryeqytet.
Ky ndërtues kushte dyshuar dhe kishte informuar me mesazh vetë kryeministrin Rama, ku edhe nga ky i fundit mori përgjigje se e gjitha kjo ishte një mashtrim.
Atëherë ndërtuesi denoncoi Klodian Cirunën, denoncim i cili u pasua edhe me të tjerë persona që ishin mashtruar në shuma të konsiderueshme.
Organi i akuzës beson se përveç personave që kanë depozituar kallëzim, Ciruna ka mashtruar edhe të tjerë të cilët për momentin nuk kanë vendosur ta denoncojnë, ndërsa vetë i arrestuari nuk ka pranuar të japë asnjë shpjegim.
