Gjykata e Durrësit ka vendosur masën e sigurisë “arrest në burg” për 39-vjeçarin Fatjon Janina, i akuzuar për vrasje me dashje.
Ngjarja ka ndodhur më 30 dhjetor, kur Janina masakroi me thikë dhe çekiç fqinjin e tij, Paulin Gila, në lagjen 16 të Durrësit.
Gjatë seancës, i pyetur nga gjyqtari Rexhep Bekteshi për motivin, i dyshuari ka dhënë të njëjtin version si gjatë momentit të arrestimit.
Sipas deklaratës së tij, viktima i kishte borxh 200 mijë lekë dhe refuzonte ta shlyente.
82-vjeçari Gila jetonte i vetëm në apartamentin e tij, ku edhe u gjet i vdekur nga autoritetet. Policia po vijon hetimet për zbardhjen e plotë të ngjarjes.
