Fieri është tronditur nga një ngjarje e rëndë, ku i biri ka plagosur me thikë nënë e tij.
Bëhet me dije se ngjarja ka ndodhur në Dukas, Patos, ku 30-vjeçari Klaudio Çobaj ka qëlluar me thikë nënën e tij Donika Çobaj. Mësohet se pas ngjarjes, autori është larguar nga banesa, por është arrestuar nga policia.
Mësohet se 30-vjeçari, në momentin e ngjarjes, ishte i dehur. Dyshohet se ai i kërkoi para nënës së tij, por kjo e fundit refuzoi t’i jepte.
Sipas policisë Klaudio Çobaj e ka qëlluar disa herë me thikë nënën e tij në trup. 50-vjeçarja Donika Çobaj ka marrë plagë në të gjithë trupin, pasi i biri e ka qëlluar me thikë në qafë, bark, kofshë. Ajo është transportuar në spitalin e Fierit ku ndodhet në gjendje të rëndë për jetën.
Ndërkohë, policia ka arrestuar pas disa minutash autorin e ngajrjes makabre, Klaudio Çobaj, i cili ka tentuar të arratiset.
Njoftimi i Policisë së Shtetit:
Informacion paraprak
Sot, rreth orës 09:00, në Dukas, Patos, në banesën e tij, shtetasi Klaudio Çobaj, 30 vjeç, ka plagosur me mjet prerës (thikë), nënën e tij, shtetasen D. Ç., 50 vjeçe, e cila ndodhet në spital nën kujdesin e mjekëve.
Grupi hetimor po punon për zbardhjen e rrethanave të ngjarjes dhe kapjen e 30-vjeçarit.
