Një ngjarje e rëndë ka tronditur Kanadanë, ku një sulm vdekjeprurës në Tumbler Ridge Secondary School, në British Columbia, ka lënë pas 10 viktima. Mes të vdekurve është edhe autorja e dyshuar e sulmit.
Personi i identifikuar si përgjegjës për masakrën është Jesse Strang, një 18-vjeçare transgjinore. Sipas raportimeve të publikuara nga Juno News, mediumi ka komunikuar me xhaxhain e saj, Russell G. Strang, i cili ka konfirmuar identitetin e të dyshuarës.
Nga sulmi mbetën të vdekur 10 persona, përfshirë edhe vetë autoren e dyshuar. Deri tani nuk janë bërë publike detaje të tjera zyrtare mbi mënyrën e sulmit apo rrethanat konkrete të ngjarjes.
Po sipas ‘Juno News’, në një llogari publike në YouTube që besohet se i përket Jesse Strang shfaqet flamuri transgjinor dhe përdoren përemrat “ajo/asaj”, çka përputhet me identifikimin e saj si transgjinore.
Autoritetet kanadeze vijojnë hetimet për të zbardhur plotësisht rrethanat dhe motivet e kësaj ngjarjeje të rëndë që ka tronditur komunitetin lokal dhe opinionin publik në vend.
