Maqedonia e Veriut akoma nuk ka arritur të vendosë akoma një datë për zgjedhjet e parakohshme parlamentare.
Në takimin i cili mbaroi në orën 21:00 mes presidentit Stevo Pendarovski dhe liderëve të LSDM-së dhe VMRO-DPMNE-së, Zoran Zaev e Hristijan Mickoski, nuk është arritur një kompromis për datën. Mesa duket thirrjet e presidentit për vendosjen e një date për zgjedhjet nuk janë dëgjuar.
Ndërkohë gjendja e COVID-19 dhe kriza që ky i fundit ka shkaktuar vazhdon të përkeqësohet.
Në 24 orët e fundit janë shënuar 164 raste të reja me të prekur nga COVID-19, nga 1045 teste të kryera.Rastet janë në Shkup (85 raste), Kumanovë (24) dhe Tetovë (18).
Vetëm sot në RMV dy persona kanë humbur jetën, një 53 vjeçare në spitalin e Shkupit dhe një 60 vjeçare në spitalin e Tetovës. Të dy viktimat janë shtuar në spital gjatë muajit qershor si të dyshuara që pasi janë testuar kanë dalë pozitive.
Deri më tani në të gjithë vendin janë kryer 41.049 testime të COVID-19.