Maqedoni e Veriut– Ziadin Sela është Kryetari i Aleancës për Shqiptarët në Maqedonin e Veriut, i cili u dhunua në Kuvend natën e 27 prillit të këtij viti, nga protestuesit e VMRO-së.
Ndër tetë personat e akuzuar për këtë sulm është edhe Boris Mutkov .
Ky i fundit, i njohur me nofkën “Fantom”, është plagosur mbrëmjen e djeshme ndërsa ka qenë në lëvizje me automjet.
Lidhur me këtë ngjarje ka reaguar edhe ministri i Punëve të Brendshme, Oliver Spasovski,i cili nuk e përjashtoi mundësinë që rasti të jetë i lidhur me ngjarjen që ndodhi rreth një muaj më parë në hotelin Aleksandar Palas.
“Është fakt se bëhet fjalë për përleshje mes grupeve kriminele. Ata janë persona të cilët njihen në opinion për veprat e tyre kriminele. Unë atë person e pash edhe në Kuvend më 27 prill me grupin i cili hyri për të sulmuar deputetët. Kështu që bëhet fjalë për grupe kriminale por mbetet që hetimi të dëshmojë dhe ti shqyrtoj të gjitha faktet, a ka lidhje mes grupeve me ngjarjet e kështu me radhë”, ka deklaruar ministri Spasovski.
Mutkova është dërguar në spitalin e Sistinas, ku dhe po mjekohet.
