Disa ditë më parë një ngjarje e rëndë tronditi qytetin e Durrësit, pasi një 45-vjeçar masakroi gruan e tij, duke e lënë të vdekur në vend.
Lulzim Cuku vrau me thikë Manjola Cukun në sy të tre fëmijëve, të moshës 2, 7 dhe 10 vjeç, të cilët e kanë parë të gjithë ngjarjen.
Ditën e djeshme autori u la në ‘arrest me burg’, teksa u shfaq në një gjendje të rënduar psikologjike para Gjykatës së Durrësit.
Bëhet me dije se Cuku i ka thënë trupit gjykues se vjehrri i tij, babai i Manjola, i ka thënë se shtëpia i ishtë kthyer në një vend drogaxhinjsh dhe më tej 45-vjeçari pretendon se ka parë edhe sende të çuditshme në banesë, që e kanë lënë të dyshonte se gruaja mund ta tradhëtonte.
Së fundmi, janë zbardhur detaje të reja rreth ngjarjes në fjalë, ku bëhet me dije se pas ngjarjes autori ka telefonuar kunatën e tij.
“Manjolën e mbyta, njofto policinë dhe shiko kalamajtë,”- mësohet të ketë thënë Cuku, sipas dosjes së zbardhur nga prokuroria.
Pas telefonatës, kjo shtetase ka njoftuar policinë e Tiranës pasi ndodhej e shtruar në spitalin e kryeqytetit dhe më pas ka shkuar në Durrës ku është njoftuar policia e Durrësit për ngjarjen e ndodhur.
Lulzim Cuku ka dëshmuar se ngjarja ka ndodhur për motive xhelozie, pasi dyshonte se bashkëshortja e tradhëtonte.
Këto akuza janë mohuar nga familjarët e 33-vjeçares, të cilët fajësojnë vëllain e Lulëzimit për ngjarjen e ndodhur, pasi pretendojnë se ai kërkonte që çifti të iknin bashkë drejt Greqisë, në mënyrë që ai të mbante shtëpinë e tyre.
Megjithatë, deri më tani çdo gjë mbetet në kuadrin e hipotezave sepse nuk ka asgjë zyrtare.
