Mali i Zi miraton ligjin për simbolet kombëtare,ja çfarë do të thotë kjo për shqiptarët

Google+ Pinterest LinkedIn Tumblr +

Këshilli Kombëtar i Shqiptarëve në Mal të Zi ka vendosur të përdorë flamurin kombëtar shqiptar si simbol në vendin ku jetojnë.

Ka qenë qeveria malazeze ajo që ka dhënë pëlqimin rreth përdorimit të flamujve, himneve dhe ditëve të festave kombëtare të komuniteteve.

Kështu, Këshilli Kombëtar i Shqiptarëve në Mal të Zi ka vendosur të përdorë flamurin kombëtar shqiptarme shqiponjën e zezë dy-krenare me sfond të kuq si simbolin e tyre në Mal të Zi.

Si stemë, shqiponjën e zezë dy-krenare mbi të cilën është përkrenarja e heroit kombëtar, Gjergj Kastriot Skënderbeut si dhe himnin “Rreth flamurit të përbashkuar”.

Ndërkohë 28 Nëntori, Dita e Flamurit Kombëtar, është caktuar si Dita e Festës Kombëtare të Shqiptarëve në Malin e Zi.

Nga ana tjetër, Këshilli Kombëtar Kroat në Mal të Zi do të përdorë flamurin dhe stemën e Republikës së Kroacisë kurse Këshilli i Romëve në Mal të Zi, ka vendosur të përdorë flamurin kaltër e gjelbër të miratuar në vitin 1971.

Shpërndaje
Share.

Komento