Një aksident automobilistik është regjistruar në zonën e Kryeluzit në Kavajë.
Mësohet se dy automjetet janë përplasur me njëri-tjetrin.
Si pasojë e përplasjes njëri prej shoferëve ka përfunduar i plagosur.
Ai u transportua në spitalin e Kavajës dhe ndodhet jashtë rrezikut për jetën.
Mësohet se shkak për aksidentin është bërë manovra e njërit prej shoferëve, për të shmangur një gropë.
Aksidenti ka shkaktuar bllokimin e trafikut, si dhe ka krijuar radhë të gjata makinash.
Policia ndodhet në vendin e ngjarjes dhe po punon për zbardhjen e rrethanave të aksidentit.
