Pak minuta më parë, në aksin rrugor Bulqizë – Peshkopi, në vendin e quajtur Vajkal, ndodhi një aksident i rëndë me përplasjen kokë më kokë të dy automjeteve.
Njëra prej makinave doli jashtë rrugës dhe përfundoi e përmbysur në një livadh, ndërsa tjetra mbeti e dëmtuar rëndë.
Të dy drejtuesit e automjeteve ishin vetëm në makinën e tyre dhe pësuan lëndime gjatë përplasjes.
Ata u dërguan menjëherë për ndihmë mjekësore në spitalin e Bulqizës, ku mjekët konfirmuan se ndodhen jashtë rrezikut për jetën.
Aksidenti u vu re fillimisht nga drejtues të tjerë automjetesh, të cilët njoftuan shërbimet e emergjencës.
Ambulanca dhe policia e Bulqizës mbërritën shpejt në vendin e ngjarjes, ku ofruan ndihmën e parë dhe nisën hetimet për zbardhjen e shkaqeve që çuan në këtë përplasje.
Grupi hetimor po vijon punën për të sqaruar plotësisht rrethanat e aksidentit.
