Një aksident ka ndodhur pak më parë në rrugën “Xhanfize Keko” në zonën e Porcelanit. Ngjarja ka ndodhur rreth orës 19:15, kur i riu me iniciale J.B., 19 vjeç, ka humbur kontrollin e mjetit që po drejtonte dhe ka përplasur një këmbësore ende të paidentifikuar. Mësohet se këmbësorja është një 30-vjeçare e cila ndër të tjera është shtatzënë. Në momentin e aksidentit ajo ka qenë duke pritur në stacionin e autobusit. Policia njofton se ajo është dërguar për në spital dhe është në kujdesin e mjekëve, ndërsa nuk bëhen të ditura detaje të tjera rreth gjëndjes së saj shëndetësore apo gjendjes së fëmijës.
Ndërkohë, policia ka shoqëruar drejtuesin e mjetit për në ambientet e Komisariatit nr.4 për veprime të mëtejshme hetimore. Në vendngjarje ndodhet grupi hetimor i cili po punon për zbardhjen e plotë të rrethanave të aksidentit.
Njoftimi i policisë:
Tiranë/ Informacion paraprak
Rreth orës 19:15, në rrugën “Xhanfizo Keko” mjeti me drejtues shtetasin J. B., 19 vjeç, ka aksidentuar një këmbësore ende të paidentifikuar rreth 30 vjeçe, e cila ndodhet në spital, nën kujdesin e mjekëve.
Drejtuesi i mjetit po shoqërohet në ambientet e Komisariatit nr.4, për veprime të metejshme hetimore.
Grupi hetimor ndodhen në vendngjarje dhe po punon për sqarimin e rrethanave të ngjarjes.
