Një aksident i rëndë ka ndodhur mesditën e sotme në rrugën nacionale Fier-Patos në vendin e quajtur Grizë.
Dy automjete, një“Audi Q5” dhe një “Ford”, janë përplasur me njëra-tjetrën duke shkaktuar jo vetëm dëme materiale, por edhe të lënduar të cilët janë dërguar me urgjencë në spitalin rajonal Fier, ku po marrin ndihmë mjekësore.
Në vendngjarje kanë mbërritur forca të policisë dhe ekspertë të cilët po punojnë për zbardhjen e shkaqeve të këtij aksidenti. Paraprakisht dyshohet se shkak për aksidentin është bërë shpejtësia e lartë e mjeteve.
