Makina bie në greminë, ndërron jetë një person dhe plagosen dy të tjerë

Google+ Pinterest LinkedIn Tumblr +

Një aksident i rëndë automobilistik është regjistruar pak më parë në rrugën e Qafështamës në Krujë.

Sipas policisë, një fuoristradë ka dalë nga rruga dhe ka rënë në greminë.

Si pasojë e aksidentit ka humbur jetën një 52-vjeçar me iniciale Q.B.

Ndërkohë të plagosur kanë mbetur 32-vjeçari me iniciale E.Z. dhe 56-vjeçari me iniciale B.K.

Të plagosurit janë dërguar me urgjencë në spital, për të marrë ndihmën mjekësore.

Një grup hetimor është ngritur dhe po punon për zbardhjen e rrethanave të aksidentit.

Njoftimi i policisë:

Më datë 17.09.2019, në fshatin Mafsheq Krujë ka dalë nga rruga mjeti me targa AA 658 BO, ku për pasojë ka humbur jetën shtetasi Q.B., 52 vjeç, dhe janë dëmtuar shtetasit E.Z., 32 vjeç, i cili ndodhet në Spitalin Ushtarak Tiranë dhe shtetasi B.K., 56 vjeç, i cili ndodhet në Spitalin e Krujës nën kujdesin e mjekëve.

Grupi hetimor po punon për sqarimin e rrethanave të ngjarjes.

Shpërndaje
Share.

Komento