Pas dy muajsh, 14-vjeçari Luis Meçja është rikthyer në stërvitje me ekipin e tij, pas ngjarjes tragjike të dhjetorit ku humbi jetën shoku i tij i ngushtë, Martin Cani. Ngjarja ndodhi pranë shkollës “Fan Noli”, ku një përleshje mes të rinjve solli pasoja fatale.
Me shëndet mirë jam, ndihem mirë që jam kthyer në stërvitje, kam shumë dëshirë të ingranohem për të gjetur formën që kisha, por ndihem shumë i lodhur, nuk kam oreks, nuk haj dot bukë, jam shumë i lodhur.
Shkuam në Itali për vizita, doktorët më thanë që ishte prekur brinja dhe nuk më lejohet të përplasem, por do të më duhet të shkoj vazhdimisht një herë një muaj, apo një muaj e gjysmë, për tre vite për vizita atje
Çunat janë të mërzitur, sepse nuk kemi një lojtar, një vëlla tonin, Martinin. Nuk është si më parë, kemi patur shumë harmoni mes nesh, ishim të gëzuar, por tani sikur ka ndryshuar shumë çdo gjë. Ai ka qenë humori i ekipit.
Dilnim xhiro, vinim në stërvitje, në lagje, gjatë gjithë kohës me atë rrija. Kishim shumë kohë që ishim shokë
Pavarësisht dhimbjes së humbjes së shokut të ngushtë, pasioni për futbollin dhe ëndrra për të vazhduar karrierën po e ndihmon Luisin të përballojë këtë periudhë të vështirë, duke u përqendruar në rikuperimin e plotë fizik.
