Gazetari Elvi Fundo, nga studioja e emisionit “Kafe Shqeto”, analizoi zhvillimet e fundit politike, duke vënë theksin te situata e brendshme në Partinë Socialiste, që sipas tij po bëhet gjithnjë e më e tensionuar dhe e ndërlikuar.
Fundo ndaloi veçanërisht te ngjarjet në Bashkinë e Tiranës, duke ngritur pikëpyetje mbi mënyrën e marrjes së vendimeve, përfaqësimin real të disa figurave politike dhe prapaskenat që, sipas tij, po ndikojnë drejtpërdrejt në kursin e partisë.
Ai foli edhe për përplasjet e brendshme për ruajtjen e pushtetit dhe lëvizjet që mund të çojnë drejt një tranzicioni pas zgjedhjeve të ardhshme.
“Gjithçka e kuptuam nga skema kur u shkarkua Alban Dokushi bashkë me Sara Goxhaj dhe u vendos Anduela Ristani, pra vetë kryetari i bashkisë sipas ligjit i takonte të emëronte pasardhësin e tij në detyrë, pas 24 orësh Rama e ndryshoi.
Unë personalisht nuk e kam parë kurrë Veliajn si pjesë të PS-së, fatkeqësisht më të njëjtin sy kam parë edhe Bashën kur ishte tek PD.
Këta individë kur i merr dhe i poston, koha, historia, politika shqiptare na ka mësuar se nuk lidhen dot me thelbin poshtë, pra nuk lidhen me origjinën politike të tyre.
Veliaj nuk ka ç’i bën partisë socialiste, ai do të luajë intrigat, që të dëmtojë Xhafajn, Bushkën apo të bëjë aleancë me Sinën, të ketë një kompetencë tek ata që dikush të flasë në parlament.
E mbani mend se kur fliste Xhafaj vinte e thoshte në parlament se këta drejtorë kanë bërë punë të mira, se ne kështu e ashtu, të njëjtën gjë po bën sot Veliaj i cili edhe pse është në burg nxjerr punët e mira që ka bërë në bashki, fundja atë detyrë ka pasur ai të bëjë punë të mira, jo të vjedhë para që t’i marrë Eriona e t’i kthejë në brekë.
Ky është ndryshimi i madh që kemi të bëjmë ne sot dhe lufta brenda partisë socialiste është shumë e ashpër.
Unë mendoj se është e ashpër sepse pas zgjedhjeve do kemi një qeveri të re në rast se socialistët do të fitojnë, po luajnë që të kenë sa më shumë intriga brenda grupit parlamentar apo kandidatëve mes njëri-tjetrit duke e sulmuar nëpër portale përmes një gjuhe mjaft vulgare”, tha gazetari Elvi Fundo.
