Pavarësisht zhurmës që ka krijuar kryeminsitri i vendit Edi Rama, Shqipëria renditet e fundit nga vendet për vaksinimin e popullsisë.
Nënkryetari i LSI, Petrit Vasili ka publikuar ditën e sotme një grafik ku duket Shqipëria e renditur në vend të fundit për vaksinimin anticovid. Vasili ka akuzuar kryeministrin Rama për këtë, teksa e cilëson si të paaftë dhe mashtrues.
“Shqiperia e fundit per vaksinimin nga COVID! Shqiperia e para per me te paaftin dhe me mashtruesin kryeminister qe ka“, shkruan Vasili.
Të ndodhur në një luftë të ashpër mes vendeve të zhvilluara e ato më pak të zhvilluara, ku 70% e vaskinave është përqëndruar në dorë të më të fortëve, mundësitë janë të pakta që Shqipëria, një vend me ekonomi të ulët e me pak zhvillim të sigurojë mjaftueshëm doza për të gjitha kategoritë e rrezikuara.
Deri më tani kryeministri ka folur për mijëra doza vaksinash që priten të vijnë sëshpejti, por deri më tani në vend numërohen gjithësej 9140 doza që mjaftojnë për të vaksinuar vetëm 4570 persona me dy dozat e nevojshme.
Sa i përket planit të vaksinimit, është ende i paqartë. Fillimisht duhej të mbaronte vaksinimi i mjekëve, më pas i të moshuarve mbi 80 vjeç e në vijim vaksinimi do të vazhdonte me mësuesit e policët.
Por deri tani, qeveria ka dalë nga plani, duke vaksinuar nga një grup të vogël për secilën kategori dhe duke e lënë në ambiguitet të gjithë procesin.
