Deputeti i Partisë Demokratike, Oerd Bylykbashi ka zhvilluar një komunikim për mediat, teksa ka theksuar se kryeministri Rama është simbol i dhunës në Parlament. Bylykbashi ka vënë në dukje lojën të cilën ai e quan me dy standarte në Parlament, në lidhje me përjashtimet. Sipas tij po përjashtohen deputetët e opozitës nga seancat plenare, sepse kërkojnë të drejtën e fjalës, ndërsa deputetët e mazhorancës ndonëse përdorin gjuhë fyese nuk përjashtohen, as nuk merren masa ndaj tyre. Ai sjell në vëmendje rastin e deputetes së PS Elisa Spiropali, e cila sipas Bylykbashit përdori fjalë fyese ndaj deputetëve të opozitës, por Kuvendi vendosi ta rrëzojë kërkesën e PD për të përjashtuar deputeten nga seancat plenare.
Bylykbashi: Është i njëjti standard që është përdorur kundër deputetëve të opozitës. Rama po përdor qartazi rregulloren e Kuvendit si dhunim ndaj të drejtave të deputetëve të opozitës. Ne kemi kërkuar ngritjen e komisionit Hetimor, mocionin me debat. Kjo për skandalin McGonigal. Autoritet e shohin të nevojshme të zhvillohet me dyer të mbyllura për shkak të tronditjes së rëndë. Vendimi i mazhorancës që të rrëzojë kërkesën tonë për përjashtimin e Spiropalit, u bë, ndërsa deputetë të opozitës përjashtohen. Rama është simboli i dhunimit të parlamentit të Shqipërisë. Kjo mazhorancë është me dy standarde.
