“Lironi Alvinin!”, Italia ndërmerr nismën e veçantë për vogëlushin shqiptar

Google+ Pinterest LinkedIn Tumblr +

Historia e vogëlushit, Alvin Berisha, i cili ndodhet në kampin ‘Al Hawl’ në Siri ka prekur tej mase italianët.

Ishte emisioni ‘Le Iene’ që mundësoi një takim mes Alvinit dhe babait të tij, Afrim Berisha, që punon murator në Itali.

Rikthimi i tij pranë të atit është i vështirë, për shkak se zona është përfshirë nga lufta.

Ndërkohë prej mbrëmjes së djshme, kulla Pirelli në Milano ka ndezur dritat me mbishkrimin ‘Free Alvin’ (Lironi Alvinin) dhe do të qëndrojë ashtu për dy ditë.

Ky propozim është bërë nga drejtuesi i Forza Italia, Gianluca Comazzi dhe gjeti konsensus unanim nga Zyra Presidenciale e Këshillit të Lombardisë, e kryesuar nga Alessandro Fermi.

Nisma është vijimi i mocionit urgjent të këshilltares së Forza Italia, Paola Romeo, që u votua unanimisht.

Në Dokument, i kërkohej Këshillit të Lombardisë që të nxiste qeverinë që të krijonte kontakte me autoritet shqiptare, për rikthimin e 11-vjeçarit.

“Falënderoj Presidentin Fontana, Presidentin e Këshillit Fermi dhe drejtuesin Comazzi që ndërmorën një veprim të rëndësishëm që synon të sensibilizojë si Qeverinë shqiptare ashtu edhe Qeverinë Italiane për lirimin e Alvinit nga kampi Al-Haël në Siri. Shpresoj që sa më shpejt të jetë e mundur të bëhen veprimet e dobishme për të arritur në një përfundim pozitiv për këtë histori të trishtueshme. Do ta ndjek historinë e Alvinit deri në fund dhe falënderoj gjithashtu redaksinë e emisionit televiziv ‘Le Iene’ për mbështetjen e çmuar që na ka dhënë që në fillim. Shpresoj se ‘Alvin Free’ të mund të bëhet realitet sa më shpejt të jetë e mundur”, deklaroi Paola Romeo.

Shpërndaje
Share.

Komento