Ambasadorja Yuri Kim ka reaguar pas lirimit nga burgu të Saimir Tahirit. Ajo shprehet e zhgënjyer për ato që i quan “mënyrat e vjetra të mosndëshkimit dhe privilegjimit për disa vazhdojnë në sistemin e drejtësisë”.
“Shumë zhgënjyese të shohësh se mënyrat e vjetra të mosndëshkimit dhe privilegjimit për disa vazhdojnë në 🇦🇱sistemin e drejtësisë. Këto mënyra të vjetra nuk janë të përshtatshme për një aleat të NATO-s dhe aspirantëve të BE-së dhe ato duhet të refuzohen me vendosmëri. 🇺🇸e konsideron korrupsionin si një kërcënim thelbësor të sigurisë kombëtare. Ata që merren me dhënien ose pranimin e kërcënimeve dhe nxitjeve – për shembull, për të ndihmuar miqtë e fuqishëm – duhet të kuptojnë se veprimet e tyre do të kenë pasoja”, shkrua ajo në Tëitter.
Saimir Tahirit i takon të kryejë një vit shtatë muaj e njëmbëdhjetë ditë në shtëpi si pjesë të mbetur të dënimit. Sipas avokatit të tij, Maks Haxhia, Tahiri plotësonte kushte të dënimit alternativ. Ka qenë një ekspertizë mjekësore e paraqitur nga avokatët mbrojtës të cilët kanë favorizuar Saimir Tahirin në vendimin që dënimin e mbetur të mos e vuajë më në qeli. Pjesën e mbetur të dënimit, prej gati një vit burg, Saimir Tahniri do ta kryejë në shtëpi
