Pagat e deputetëve, ministrave dhe admnistratës pësuan një rritje të konsiderueshme, teksa presidenti Begaj pak ditë më parë dekretoi ligjet përkatëse.
Ditën e sotme Begaj sqaroi se ka zbatuar kushtetutën dhe ligjet e vendit dhe se miratimi nuk u bë pas vendimit të deputetëve por në momentin që u miratua ligji në parlament. Gjithashtu ndër të tjera presidenti Begaj shtoi se nuk e ka votuar ligjin në të njëjtën ditë që është votuar në parlament. “Nuk është dhënë miratimi paraprak për ligjin, është dhënë një dakordësi dhe miratimin paraprak për hyrjen në fuqi të ligjit në momentin e dekretimit”, ka deklaruar ndër të tjera Presidenti
“Presidenti zbaton kushtetuën dhe ligjet e vendit, dua të sqaroj që nuk ishte një vendim i deputetëve, ishte një ligj i miratuar në parlament. Ligji në fjalë është për të rregulluar piramidën e pagave dhe për të rregulluar pagat e magjistratëve.
Presidenti ka marrë kohën e vetë për të vlerësuar ligjin, nuk e kam votuar në të njëjtën ditë që është votuar në parlament. Nuk është dhënë miratimi paraprak për ligjin, është dhënë një dakordësi dhe miratimin paraprak për hyrjen në fuqi të ligjit në momentin e dekretimit”, tha Presidenti. Kreu i shtetit përfiton një rritje të konsiderueshme të pagës, nga 257 mijë lekë në 425 mijë lekë të reja. Pas tij vjen kryeministri dhe kryetarja e Kuvendit, të cilëve paga u shkon nga 228 mijë lekë, në rreth 393 mijë lekë të reja. Përfitues të konsiderueshëm janë edhe ministrat të cilëve ligji i ri u dyfishon pagat, nga 174 mijë e 760 lekë në 318 mijë lekë të reja.
