Nga përgjimet e zbardhura nga SkyEcc, janë bërë publike bashkëpunime mes bandës kriminale të Suel Çelës dhe individëve me lidhje në sistemin e drejtësisë dhe politikës.
Në dosjen hetimore, të siguruar nga Dosja.al, përmendet një bisedë e zhvilluar në vitin 2020 mes Klaus Matishit dhe Megi Fetahut, vajza e gjyqtares Pajtime Fetahu, ku flitet për favorizime dhe marrëdhënie të ndërsjella.
Në bisedën e zbardhur, Klaus Matishi shpreh vlerësimin e tij të veçantë për gjyqtaren Fetahu, duke theksuar mbështetjen dhe ndihmën që ajo i ka ofruar grupit të tij.
Ai thekson se Fetahu është një ndër të paktët persona që vepron pa interesa personale dhe përpiqet të ndihmojë “me shpirt”. Matishi gjithashtu përmend deputetin Taulant Balla, duke nënkuptuar një lidhje të mundshme me grupin e tyre përmes interesave politike dhe votave.
