Leonard Duka, kreu i klanit Duka, i arrestuar në Belgjikë, kërkon azil politik duke pretenduar se në Shqipëri i rrezikohet jeta. Për më shumë se një vit, Duka po përballet me autoritetet belge për të shmangur ekstradimin, pasi në Shqipëri përballet me burgim të përjetshëm për organizimin e vrasjes së ish-policit Santiago Malko.
Duka ishte në përplasje të ashpra me Ervis Martinaj, bossin e kumarit që u zhduk pa gjurmë në gusht 2022. Konflikti mes tyre filloi kur grupi i Martinaj mori peng babain e Dukës. Ata, nga miq, u shndërruan në armiq të përbetuar. Klani Duka tentoi të vriste Martinajn, por kur dështoi, vrau Santjago Malkon, mikun e Martinajt.
Prokuroria akuzon edhe Fatmir Hysenin, i njohur si Doçja, si ekzekutuesin. Ai është filmuar nga kamerat e sigurisë, të cilat janë prova në gjykatë. Të pandehur janë gjithashtu Erlis Duka, Aleksandër Maxhaku, Oltjon Logu dhe të tjerë. Blendi Teta dhe Ilir Selmani janë dënuar më herët për vrasjen e Malkos.
