Tani është zyrtare që Lionel Messi nuk do të luaj më për Barcelonën. Në një moment që të gjithë janë në substancë se cili do të jetë ekipi i tij i radhës, ka reaguar edhe trajneri i “blaugranave”, Ronald Koeman.
Me anë të një statusi në rrjetet sociale tekniku holandez shkruan, se është ende e vështirë dhe e pabesueshme që të kuptosh që Messi nuk do të luaj më për Barcelonën. Koeman ndër të tjer aka shtuar se e ka shijuar tej mase sezonin që kanë punuar së bashku.
“Është ende e vështirë ta kuptosh që nuk do të luash më për Barcelonën. Faleminderit për gjithçka që keni bërë për klubin tonë Leo. Me të vërtetë e shijova sezonin e plotë që punuam së bashku. Jam i impresionuar me etikën tuaj të punës dhe dëshirën për të fituar”, shkroi Koeman.
Largimi i Lionel Messit nga Barcelona ishte një lajm i papritur, teksa klubi nuk mund ta mbante më katalanasin për shkak të kufizimeve financiare të La Ligas. Nga ana tjetër Joan Laporta u detyrua të përballet me situatën më rraskapitëse në historinë e tij, ai të premten doli në një konferencë për shtyp ku foli për largimin e Leo Messit.
Presidenti i blaugranave këmbënguli se “klubi vjen para lojtarëve”, për të treguar më pas edhe pse një marrëveshje e re nuk ishte e mundur në situatën aktuale në të cilën Barcelona gjendet.
