Lara Colturi ka realizuar një paraqitje të shkëlqyer në ndalesën e radhës të Kupës së Botës në Kurshevel, Francë.
Këtë herë, skiatorja kuqezi arriti të ndalonte kronometrin në një kohë që e renditi në vendin e gjashtë në kategorinë e Sllallomit.
Tashmë, strategjia dhe teknika e skiatores sonë janë më të njohura, duke zbritur normalisht në tentativën e parë për të dhënë maksimumin dhe për të rrezikuar gjithçka në tentativën e dytë, e cila është edhe më e rëndësishme për klasifikimin përfundimtar.
Edhe në këtë ndalesë në Francë, Lara arriti të renditej mes 10 më të mirave, ndërkohë që të gjithë patën një lloj hezitimi pas vendit të 140-të në tentativën e parë.
Sa i përket fitueses së kësaj gare, ajo ishte kroatja Ljutiç, rivalja më e madhe e Larës dhe një talent i momentit. Ndërkohë, në këtë etapë u rikthye superkampionia amerikane Mikaela Shiffrin, pas një dëmtimi që e la jashtë për më shumë se 2 muaj.
Lara, bashkë me stafin e saj, do të përgatitet tani për Kampionatin Botëror të Saalbach, ku shpreson të sjellë medaljet e para për Shqipërinë në një kampionat botëror skish.
