Pas debutimit të sukseshëm në Kampionatin Botëror javën e kaluar, skiatorja shqiptare Lara Colturi ka vazhduar garat e Kupës së Botës këtë fundjavë.
Në etapën e zhvilluar në Sestriere, Itali, në disiplinën e Slallomit Gjigant, Lara Colturi u rendit sërish e shtata. Pasditen e sotme, ajo do të provojë përsëri në këtë kategori.
Në këtë garë, Colturi vazhdon të tregojë paraqitje të forta. Pas dy zbritjeve, ajo u pozicionua në vendin e shtatë, duke arritur vendin e 9-të në zbritjen e parë dhe vendin e 5-të në të dytën. Me kohën e përbashkët të të dy zbritjeve, ajo ishte vetëm 2 sekonda pas Federica Brinjones të Italisë, e cila renditi e para.
Në përfundim të garës, Lara Colturi ka fituar 36 pikë të tjera për renditjen e Kupës së Botës, që do të shërbejnë për të siguruar kualifikimin për Lojërat Olimpike Dimërore të vitit 2026, Milano-Cortina.
