Pas vaksinës, shkencëtarët kanë mundur të realizojnë edhe pilulat kundër Covid-19. Provat e para të kryera tek kafshët ka rezultuar se vaksina orale ka prodhuar antitrupa që sigurojnë imunitet ndaj koronavirusit.
Kjo vaksinë e quajtur Oravax, është një prodhim i kompanisë izeralito-amerikane, Oramed Pharmaceuticals dhe kompanisë indiane, Premas Biotech.
Rezultate premtuese janë arritur duke marrë vetëm një kapsulë të Oravax, shkruan Buisinessinsider.
Më tej thuhet se kjo vaksinë, mund të ruhet në një frigorifer të zakonshëm dhe në një temperaturë dhome, gjë që eliminon problemin e ruajtës së vaksinave të prodhuara deri më tani, që duhet të vendosen në temperatura jashtëzakonisht të ulëta.
Kjo vaksinë pritet tanimë të testohet tek njerëzit, në disa vende, përshirë SHBA, Izraelin, Meksikën dhe disa shtete në Evropë.
Kujtojmë se deri më tani në botë është vënë në përdorim vetëm vaksina me injektim. Kujtojmë këtu që kompanitë kryesore të prodhimit është ajo e AstraZeneca, Pfizer, Biontech, SputnikV etj.
Disa prej tyre janë miratuar nga organizata Botërore e Shëndetësisë dhe EMA, ndërsa ajo ruse ende nuk e ka marrë aprovimin nga këto instuticione, duke sjell dhe mjaft reagime në vendet ku po përdoren.
Fakti që vaksinat janë prodhuar në një kohë të shkurtër, shumë prej tyre kanë shfaqur dhe efekte anësore. Kujtojmë këtu se më e përfolura është AstraZeneca për mpiksjen e gjakut, por nga studimet e fundit të kryera nga EMA dhe OBSH, kjo vaksinë është e sigurt dhe ka rinisur vaksinimi në të gjitha shtetet.
