Lajm i mirë për Tiranën! Dalin përgjigjet e testeve të Covid-19 për ndeshjen e Europa League

Google+ Pinterest LinkedIn Tumblr +

Ekipi i Tiranës ka marrë ditën e sotme përgjigjen e testeve të kryera ditën e djeshme për të parë nëse ka ndonjë të infektuar me COVID-19.

Përgjigjet e testeve kanë dalë negative për të gjithë ekipin duke i bërë ata të gatshëm për sfidën që do luhet në Zvicër kundër Young Boys. Konfirmimi vjen nga klubi kampion i Superligës, që me anë të një njoftimi për mediat bën të ditur se skuadra do të vazhdojë përgatitjet dhe programin për këtë përballje të rëndësishme.

Tashmë te bardheblutë janë të qetë dhe po e përgatisin me kujdes ndeshjen për “play off”, aty ku ata do të kërkojnë arritjen historike duke u kualifikuar në fazën e grupeve të Ligës së Europës.

Njoftimi i klubit:

Ditën e djeshme datë 28.09.2020, lojtarët, stafi dhe delegacioni kanë kryer tamponët e testeve të COVID-19. Nga përgjigjet e këtyre analizave cdo person ka rezultuar negativ. Ekipi do të vazhdojë të stërvitet normalisht, pa mungesa dhe ditën e nesërme udhëton drejt Zvicrës. Gjithashtu sot në orën 15:30, trajneri Emanuel Egbo dhe kapiteni Idriz Batha do t’u përgjigjen pyetjeve të gazetarëve. Seanca stërvitore do të jetë e hapur për median vetëm 15 minuta.

Shpërndaje
Share.

Komento