Një lajm i mirë ka ardhur nga organizata Botërore e Shëndetësisë në lidhje me vaksinat për Covid-19. OBSH i ka dhënë fund dyshimeve për sa i përket efektivitetit të vaksinave të përdorura deri tani, me shfaqjen e mutacioneve të reja të virusit.
Por Hans Kluge, drejtori rajonal për Evropën në Organizatën Botërore të Shëndetësisë, e konfirmoi se të gjitha vaksinat e aprovuara u përgjigjen të gjitha varianteve të virusit.
Duke folur në një konferencë shtypi dje, Z. Kluge tha: “Të gjitha variantet e virusit Covid-19 mund të kontrollohen në të njëjtën mënyrë me shëndetin publik dhe masat sociale.
“Vaksinat e aprovuara në dispzocion, i përgjigjen të gjitha varianteve të virusit Covid-19 që janë shfaqur deri më tani”, ka thënë Kluge.
Zyrtarët e shëndetit publik aktualisht po studiojnë variantin që besohet se u shfaq për herë të parë në Indi, që ka sjellë një katastrofë shëndetësore në shtetin aziatik. Deri tani nuk ka asnjë provë që tregon se varianti indian është rezistentë ndaj efektivitetit të vaksinave.
Deri tani, Organizata Botërore e Shëndetësisë ka aprovuar për përdorim emergjent disa vaksina të cilat janë: Pfizer, Moderna, Johnson&Johnson, AstraZeneca e së fundi edhe vaksinën kineze të Sinovac. Një numër i konsiderueshëm vendesh, ndër to edhe Shqipëria, përdorin gjithahstu edhe vaksinën ruse Sputnik V.
