Ditën e sotme OFL i ka dërguar formularin e deklarimit të pasurisë Jasin Avdylit, Durim Keçit dhe Arben Frrokut.
Jasin Avdyli është i dënuar për veprën penale “Vrasje me paramendim”.
Ai u arrestua gjatë operacionit “Vol-vo4”
Avdyli është pjesë e grupit të Shijakut, i cili u kap për trafikimin e 200 kg heroinë dhe një sasie të konsiderueshme hashashi.
Gjithashtu gjatë hetimeve u zbulua se grupi kishte gisht në shit-blerjen e votave gjatë zgjedhjeve lokale në Durrës.
Durim Keçi rezulton i dënuar në Itali për vepra të shumta penale si: “Shkatërrim prone me pasoja të rënda”, “Krime me armë kundër personit”, “Trafikim i lëndëve narkotike” dhe “Pjesëmarrja në organizatë kriminale, me qëllim trafikimin e lëndëve narkotike dhe shfrytëzimin e prostitucionit”.
Arben Frroku ndërkohë ndodhet në një qeli në Holandë.
Ai rezulton i dënuar në Shqipëri me burgim të përjetshëm, për vrasjen e kryekomisarit Dritan Lamaj. Holanda ka refuzuar ekstradimin e tij në Shqipëri, duke i cilësuar të drejta pretendimet, se në vendin tonë i rrezikohet jeta.
