Artur Metani është zgjedhur në krye të ILD(Inspektorati të Lartë të Drejtësisë).
Ai ka marrë 98 vota pro në seancën e parë plenare të 2020.
Metani kryesonte listën që Këshilli i Emërimeve në Drejtësi i kishte dërguar Kuvendit.
Artur Metani është vëllai i deputetes së PS, Eglantina Gjermeni.
Kjo e fundit nuk mori pjesë në votim, pasi ndodhej në konflikt interesi.
Inspektorati i Lartë i Drejtësisë, qëndron në krye të organeve të sistemit të drejtësisë.
Detyrat dhe kompetencat e ILD-së përfshijnë: verifikimin e ankesave të personave fizikë ose juridikë ndaj gjyqtarëve, prokurorëve, anëtareve të Këshillit të Lartë Gjyqësor dhe anëtarëve të Këshillit të Lartë të Prokurorisë.
