Pas 11 orësh mbledhje, KED skualifikon katër kandidatët e paraqitur nga Presidenti. Debati politik interferon nga organet e Vetingut që kanë për detyrë të zgjedhin emrat e rinj të drejtësisë. Deri tani, vetëm një kandidat është kualifikuar për Gjykatën Kushtetuese, mes dhjetë emrave të paraqitur deri tani, ai është Sokol Binaj. Gjykata Kushtetuese është jofunksionale. Aktualisht institucioni ka vetëm 4 nga 9 anëtarë dhe nuk merr dot asnjë vendim. Por, vetëm mund të pranojë cështje. Prej 4 anëtarëve, një është Vitore Tusha, e cila ka qenë anëtare e Kushtetueses dhe është konfirmuar në detyrë deri sa të zëvendësohet, një është emëruar nga presidenti Meta dhe dy nga Kuvendi. Ndërsa për 3 anëtarët që duhet të zgjidhen nga Gjykata e Lartë nuk kanë nisur ende procedurat, pasi gjykata nuk ka kuorumin e duhur për vendimmarrje prej minimalisht 14 anëtarëve.
Katër kandidatët e skualifikuar janë:
- Sergjio Mazreku, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
- Sinan Tafaj, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
- Shaqir Hasanaj, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
- Zhaklina Peto, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
Ndërkaq, 2 kandidatë te tjerë janë ende ne proces, në verifikim momentalisht është Sonila Bejtja. Në përfundim të mbledhjes priten vendimet edhe për 2 kandidatët në proces. Në mbledhjen e djeshme morën pjesë anëtarët e KED, anëtarët zëvendësues, përfaqësuesi i Avokati i Popullit, përfaqësuesit e Presidentit të Republikës, përfaqësuesi i Kryetarit të Kuvendit si edhe përfaqësuesja e OPDAT. Disa muaj më parë presidenti refuzoi betimin e një kandidateje për Gjykatën Kushtetuese.
/Gazeta Reforma/
