“Kush do e paguajë avokatin francez?”, Ylli Manjani i jep përgjigje kritikëve të Berishës

Disa ditë më parë ish-kryeministri Sali Berisha dhe familja e tij u shpallën “non grata” nga SHBA, kjo solli edhe shumë reagime nga politika dhe jo vetëm. Në një deklaratë për mediat pak ditë më parë vetë iah-kryeministri Sali Berisha tha se do ta hidhte në gjyq, Sekretarin Amerikan të Shtetit Anthony Blinken. Jean Yves Le Borgne është emri i njohur në botën e juristëve që do të mbrojë ish-kryeministrin, por mbahet edhe si një nga emrat më të shtrenjtë si avokatë. Por kjo zgjoi kureshtjen tek media dhe publiku se kush do ta paguante avokatin e Berishës ose pyetje të tipit “Ku i gjete paratë për avokatin”.
Së fundmi me anë të një postimi në rrjetet sociale ka reaguar edhe ish-ministri i Drejtësisë Ylli Manjani. Ai thotë se edhe vetë urrejtësit e Berishës e bëjnë këtë pyetje dhe nuk arrijnë ta besojnë se ai është i korruptuar. Duke vazhduar më tej me fjalët ,” Një “të korruptuari” nuk i bëhet pyetje ku i gjen paratë e avokatit se është budallëk…”.
Postimi i plotë i Ylli Manjanit:
Ku i gjen paratë për avokatin francez”?- pyesin mediat që e urrejnë Berishën prej vitesh.
Në thelb kjo pyetje tregon se edhe ata, pra urrejtësit e Tij, nuk e besojnë argumentin se “Berisha është i korruptuar”. Ndryshe përse do pyesnin ku i gjen paratë?! Një “të korruptuari” nuk i bëhet pyetje ku i gjen paratë e avokatit se është budallëk…
Të puthsha mendjen!- i thonë këtij muhabeti…
Ish-kryeministri Sali Berisha ka vendosur paditjen për shpifjen ndaj Blinken në një gjykatë në Francë. Avokati i tij, Le Borgne në një intervistë për mediat disa ditë më parë tha se Berisha e pajtoi përmes një mikut të tij, ndërsa shtoi se Franca ka autoritet të gjykojë këtë çështje, pasi klasifikohet si shpifje e bërë në internet. Vendimi i DASH për ta shpallur non-grata atë dhe familjen, sipas Berishës është i padrejtë dhe i bazuar në raporte të bëra nga qeveria dhe OJF-të e lidhura me filantropin Xhorxh Soros.