Kryeministri i Kosovës, Albin Kurti ka thënë se nuk është marrë ndonjë vendim i r isa i përket situatës në Bërnjak e Jarinjë dhe po zbatohet dakordësia e vjetër. Në konerencën e përbashkët me presidenten e Komisionit Europian, Ursula von der Leyen, Kurti ka thënë se Serbia iu përgjigj me forcë kësaj lëvizjeje.
“Në pikat kufitare Bërnjak dhe Jarinje ne nuk kemi marrë ndonjë vendim të ri përveçse po e zbatojmë një dakordim të vjetër, fatkeqësisht Serbia u përgjigj me forcë duke grumbulluar forca ushtarake dhe mjete luftarake siç janë tankset dhe aeroplanët luftarakë të Rusisë”, tha Kurti.
Kryeministri i Kosovës shtoi se Serbia po merr fonde e donacione nga BE, por nga ana tjetër militarizohet nga Rusia e Kina. Ai tha se ka kërkuar që sulmet në Zubin Potok e Zveçan të dënohehn, pasi erdhën nga deklaratat luftënxitëse të presidentit serb.
“Fatkeqësisht ndodhemi në një situatë ku Serbia merr donacione nga BE-ja, dhe përkundër që i merr këto donacione pa zbatuar vlera do të duhej të demokratizohet e jo të militarizohet nga Rusia e Kina. Unë kam kërkuar që të dënohen sulmet në Zubin Potok e Zveçan pasi këto sulme erdhën pas deklaratave luftënxitëse të presidentit të Serbisë dhe pas demonstrimeve luftarake në kufi me Kosovën”, u shpreh Kurti.
