Teksa koronavirusi mbërriti të premten në Kosovë, ku deri tani janë shënuar 5 të infektuar, një ndër çështjet më delikate politike vijon të jetë e pazgjidhur.
Kujtojmë se prej muajsh SHBA është angazhuar në arritjen e një marrëveshje mes Kosovës dhe Serbisë, duke i kërkuar Kosovës të heqë taksën 100% ndaj mallrave serbe dhe për këtë i provoi të gjitha forcat e presionit.
Më 28 shkurt kryeministri i Kosovës, Albin Kurti në një deklaratë për mediat ka njoftuar se qeveria ka vendosur ta heqë përkohësisht taksën 100% të vendosur për mallrat e që importohen nga Serbia dhe Bosnia e Hercegovina.
Vendimi do hyjë në fuqi ditën e sotme dhe do të zgjasë për një periudhë 90 ditore, deri më 15 qershor dhe “nëse Serbia nuk reflekton, taksa do të rivendoset”.
Pasi presioni arriti kulmin, i dërguari i SHBA realizon qëllimin. Kurti heq taksën ndaj Serbisë
Mirëpo, Richard Grenell, i dërguar i posaçm i Trump i ka bërë disa herë thirrje Kurtit që taska të hiqet plotësisht, pasi në të kundërt SHBA do tërheq trupat ushtarake nga shteti i Kosovës.
SHBA jo vetëm që nuk u kënaq nga heqja e taksës, por reagon ashpër ndaj Kurtit
Lëvizja Demokratike e Kosovës, e cila ndodhet në koalicion me Lëvizjen Vetëvendosja, ka qenë pro SHBA dhe presidentit Thaçi i cili po ashtu mendon të hiqet përfundimisht taksa ndaj shtetit serb.
Mirëpo, ditën e sotme kryeministri Albin Kurti ka njoftuar se i qëndron vendimit të tij fillestar dhe njofton se taksa do hiqet vetëm me reciprocitet.
Me anë të një statusi në Facebook u ka kërkuar dy herë falje qytetarëve të Kosovës: së pari që Kuvendi nuk vendosi heqjen e përkohshme e taksës ndaj mallrave serbe dhe së dyti për shkak se gjatë seancës së djeshme që nisi pasdite dhe përfundoi në mesnatë nuk u respektua rregulli i distancës për të mbajtur larg koronavirusin.
Nuk dihet se si do pritet ky vendim nga SHBA, por politika në Kosovë vijon të jetë në një moment të vështirë.
